Постановление СМ РБ 931 24.10.2013 Аб правядзенні перагавораў па праекту Праграмы супрацоўніцтва паміж Урадам Рэспублікі Беларусь і Урадам Рэспублікі Індыя ў галіне культуры, мастацтва, адукацыі на 2014 - 2016 гады і падпісанні дадзенай Праграмы

ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ кастрычніка 2013 г. № 931 Аб правядзенні перагавораў па праекту Праграмы супрацоўніцтва паміж Урадам Рэспублікі Беларусь і Урадам Рэспублікі Індыя ў галіне культуры, мастацтва, адукацыі на 2014–2016 гады і падпісанні дадзенай Праграмы

У адпаведнасці з артыкулам 5 Закона Рэспублікі Беларусь ад 23 ліпеня 2008 года «О международных договорах Республики Беларусь» Савет Міністраў Рэспублікі Беларусь ПАСТАНАЎЛЯЕ:

1. Адобрыць прыкладзены праект Праграмы супрацоўніцтва паміж Урадам Рэспублікі Беларусь і Урадам Рэспублікі Індыя ў галіне культуры, мастацтва, адукацыі на 2014–2016 гады* (далей – Праграма) у якасці асновы для правядзення перагавораў.

2. Упаўнаважыць Міністра культуры Святлова Барыса Уладзіміравіча на:

правядзенне перагавораў па праекту Праграмы, дазволіўшы пры неабходнасці ўносіць у яго змяненні і дапаўненні, якія не маюць прынцыповага характару;

падпісанне Праграмы пры дасягненні дамоўленасці ў межах адобранага праекта.

3. Прызнаць страціўшай сілу пастанову Савета Міністраў Рэспублікі Беларусь ад 26 красавіка 2011 г. № 541 «Аб правядзенні перагавораў па праекту Праграмы супрацоўніцтва паміж Урадам Рэспублікі Беларусь і Урадам Рэспублікі Індыя ў галіне культуры, мастацтва, адукацыі, сродкаў масавай інфармацыі і друку на 2011–2013 гады і падпісанні дадзенай Праграмы» (Национальный реестр правовых актов Республики Беларусь, 2011 г., № 49, 5/33715).

4. Дадзеная пастанова ўступае ў сілу з дня яе прыняцця.

Прэм’ер-міністр Рэспублікі Беларусь М.Мясніковіч

–––––––––––––

*

Не рассылаецца.